Haradinaj i reagon Mogherinit: Dialogu ka dalë nga shinat përpara se të vendosej taksa
Kryeministri i vendit, Ramush Haradinaj ka reaguar pas deklaratave të përfaqësueses së lartë e Bashkimit Evropian, Federica Mogherini e cila ka thënë së fundmi se “Kosova duhet të heqë tarifën ndaj mallrave serbe dhe të Bosnjës”.
Përmes një postimi në Twitter, Haradinaj ka thënë që dialogu nuk duhet të lidhet me taksën.
“Dialogu ka dalë nga shinat shumë kohë përpara se të vendosej taksa. Mungesa e transparencës, inkurajimi i propozimit të shkëmbimit të territoreve dhe moszbatimi i marrëveshjeve ekzistuese – ato janë arsyet. Dialogu mund dhe duhet të rifillojë pa e lidhur atë me taksën”, ka shkruar Haradinaj në Twitter.
Dialogue was derailed long before tariffs were introduced @FedericaMog. Lack of transparency, encouraging land swap proposal & failure to implement existing agreements – those are the reasons. Dialogue can and should resume without relating it to tariffs. RH
— Ramush Haradinaj (@haradinajramush) March 13, 2019
Që nga vendosja e taksës për produktet e Serbisë, Bashkimi Evropian ka insistuar që ky vendim i qeverisë ‘Haradinaj’ duhet të largohet në mënyrë që të hapur rruga e dialogut për arritjen e marrëveshjes përfundimtare gjithëpërfshirëse.
https://kallxo.com/mogherini-marreveshjen-perfundimtare-prishtine-beograd-duhet-ta-mbeshtese-ks-i-okb-se/?fbclid=IwAR0lFRl08Q4XxD4WVgJwwsFNle1EIyCxzNVIr29oQ68BoDFoZoOenusHEcw