Foto: Kallxo.com
Haradinaj: Nëse na njeh Serbia, sot e heqim taksën
08.1.2019 - 15:57
Kryeministri i Kosovës, Ramush Haradinaj, i është përgjigjur kërkesave në rritje të Përfaqësueses së Lartë të Bashkimit Europian, Federica Mogherini, për largimin e taksës doganore prej 100 përqind për importet nga Serbia dhe Bosnja e Hercegovina.
Me një kërkesë të tillë sot në Bruksel është përballur edhe ekipi negociator i Kosovës në një takim që Mogherini e zhvilloi me ta.
“Jemi të interesuar me e hjekë sot. Nëse na njeh Serbia, sot e hjekim”, tha Haradinaj në një konferencë për shtyp pas një takimi që zhvilloi sot me ministrin e Tregtisë dhe Industrisë, Endrit Shala.
“Taksa është vendim i qeverisë, qeveria e ka vendimin e vet legjitim”, shtoi Haradinaj.