Haradinaj i tronditur me aksidentin në Gjilan

Kryeministri Ramush Haradinaj i ka shprehur ngushëllime familjes së vdekurit në Gjilan nga aksidenti i rëndë i komunikacionit që ndodhi sot në Gjilan, ndërsa i ka uruar shërim sa më të shpejtë të lënduarave.

Ai ka ofruar ndihmën e institucioneve qendrore për rastin në Gjilan.

Në Gjilan një kamion ka shkaktuar një aksident të rëndë duke goditur disa vetura, traktorë, shtylla elektrike e pemë.

Shkrimi i plotë i Haradinajt në Facebook.

Thellësisht i tronditur nga tragjedia e sotme në qendër të Gjilanit, ku humbi jetën një person dhe 20 të tjerë u lënduan.

Familjes së personit që ka humbur jetën i shprehim ngushëllimet më të sinqerta derisa të lënduarve shërim sa më të shpejt.

Nga informatat që kemi marrë, kuptuam se aksidenti ndodhi pasi një kamion për shkak të problemeve teknike, ka aksidentuar 8 vetura dhe kalimtarë të rastit.

U bëjë thirrje organeve përgjegjëse që të ndërmarrin të gjitha veprimet e nevojshme për ta hetuar rastin dhe për të parandaluar që rastet e tilla të ndodhin në të ardhmen.

Qeveria e vendit, institucionet përkatëse, janë në gjendje gatishmërie për të ofruar gjithë ndihmën e nevojshme, për të prekurit nga kjo tragjedi.