Foto: Shpend Ahmeti/Facebook
Hapet Qendra e tretë për qëndrim ditor të moshuarve në Prishtinë
21.6.2019 - 23:02
Kryetari i Komunës së Prishtinës, Shpend Ahmeti ka njoftuar se prej sot është hapur Qendra e tretë për qëndrim ditor të moshuarve në lagjen Pejton.
“Prishtina është e para dhe e vetmja që ka investuar në qendrat sociale si kjo, në mënyrë që pensionistëve dhe të moshuarve të u ofrohet një hapësirë si vendtakim për socializim dhe argëtim”, ka shkruar Ahmeti në Facebook.
Kryetari Ahmeti ka falënderuar të gjithë ata që e kanë mbështetur dhe kanë kontribuar për realizimin e kësaj qendre.