Skënder Hyseni për Demarkacionin: Nuk e Komentoj Bulliqin
Ish ministri i Punëve të Brendshme, Skënder Hyseni, që së bashku me ish ministrin e jashtëm, tashmë Presidentin Hashim Thaçi, kishin nënshkruar marrëveshjen e demarkacionit me Malin e Zi, nuk ka komentuar në lidhje me raportin e komisionit të ri të Demarkacionit që thotë se Kosova ka humbur territor.
Ish ministri Hyseni në një prononcim për KALLXO.com ka thënë se nuk komenton Bulliqin.
“Gjëja e fundit që do të më shkonte ndërmend është të komentoj Shpejtim Bulliqin”, tha shkurtimisht Hyseni për KALLXO.com, ani pse atij iu kërkua një koment në lidhje me të gjeturat e komisionit.
Komisioni i ri i Demarkacionit që po udhëhiqet nga ish deputeti i LDK-së, Shpejtim Bulliqi është duke raportuar para kabinetit qeveritar, ku sipas tyre marrëveshje e nënshkruar i humbë territor Kosovës.
http://kallxo.com/bulliqi-kufiri-kosove-mali-zi-nuk-eshte-njejte/
http://kallxo.com/gruda-demarkacioni-malin-e-zi-cenon-integritetin-territorial-te-kosoves/
Hyseni edhe më herët nuk kishte pranuar të komentonte mbi deklaratat e komisionit të ri.
http://kallxo.com/hyseni-nuk-ka-koment-per-te-gjeturat-e-bulliqit/
Çështja e Demarkacionit ka mbi 2 vite që është nënshkruar dhe ende nuk është ratifikuar në Kuvendin e Kosovës.
Me të ardhur në krye të Qeverisë, Ramush Haradinaj kishte shkarkuar komisionin me në krye Murat Mehën dhe kishte emëruar në krye të saj Shpejtim Bulliqin.
Zyrtarët e BE-së shumë herë kanë deklaruar se ratifikimi i kësaj Marrëveshjeje është kushti kryesor që Kosova të merr liberalizmin e vizave.