Plis i Harmonisë

Për 100 vjet dhe më herët, kombi shqiptar duke ecur rrugës së veshjes, ka krijuar ndër vite stile të veçanta që kanë shërbyer për mbrojtjen, paraqitjen dhe veçantinë në sjellje të formave dhe ngjyrave. Dhe në krye të kësaj veçantie është plisi.

Kapelet, plisat, qeleshet… ekzistojnë, rrojnë dhe kanë një rezistencë për t’i prekur, por shfaqje të lirë për t’i ndjerë këto ndryshime.

Sot, kur ekspertët e fushave të ndryshme shënojnë vitin e 100-të të Pavarësisë së Shqipërisë, edhe kreatorja e modës, Njomëza Luci vjen me një dedikim.

Ajo sjell harmoni konceptesh, duke nxjerrë në pah harmoninë dhe disharmoninë e kapeleve, të cilat i bashkon përjetësisht në stil.

Ky koleksion është një dedikim i veçantë për 100-vjetorin e pavarësisë se shtetit shqiptar.

Koleksioni i kapeleve u shpalos në Albania Fashion Week 2012 dhe materialet e përdorura në këtë linjë janë: kristalet, gurët, metalet dhe plisat.

Linja ekskluzive e kapeleve është prezantimi i saj i veçantë i realizuar në periudhë prej 3 vitesh dhe i finalizuar në 100-vjetorin e pavarësisë së shtetit shqiptar me linjën: “Harmonia dhe Disharmonia e Kapelave”.

Luci inspirimin për këtë koleksion e ka marrë nga hulumtimi në katër biblioteka të rajonit, ku disejnatorja ka njohur format dhe konceptet e kapeleve të përdorura nga shqiptarët.

Ajo në krijimin e saj i vendos kapelet në një kompleks dhe i shfaq ato në harmoni dhe disharmoni.

“Këto 100 vite për kombin tonë ishin të mbushura me harmoni dhe disharmoni e të frymuarit në jetë, e ekzistencës tonë si komb dhe rrugëtimit tonë ndër vite në paraqitje dhe stil”, thotë Luci.

“Gjatë hulumtimit krijues të bërë në shumë enciklopedi dhe libra autorial, vërehet intensiteti i shtuar i artit dhe pastërtisë në formë dhe krijim i shqiptarëve në dukjen e tyre”, shprehet Njomëza.

ETIKETA

19 Nëntor 2012 - 16:06

Gazeta JnK 19/11/2012 - 16:06
NDËRVEPRIMI0
Prishtina Insight

Plis i Harmonisë

by Gazeta JNK
NA NDIQNI

Send this to a friend