Arsyetohet Regjisori i Spotit Kontrovers të Era Istrefit

(E plotësuar)

Ismaili nëpërmjet një deklarate publike tha se xhirimi i videos në objektin e papërfunduar të Kishës ortodokse “Shën Nikolla” është bërë me qëllim që të hapet debati mbi objektet e pa shfrytëzuara.

Kisha serbe, dje e kishte  dënuar videon “E dehun” të pop këngëtares Era Istrefi duke e quajtur atë “përdhosje” të Kishës Ortodokse.

“Për fat të keq, ky incident i fundit shpërfaq atë se ne çfarë pozite të trishtuar gjendet Kisha Ortodokse”, tha dioqeza në një deklaratë.

Por, sipas Ismailit, video s’ka të bëjë me përdhosje, por është pjesë e projekteve të tij artistike në objektet e papërfunduara ose të pashfrytëzuara.

Para dy viteve, Ismaili me një grup artistësh të tjerë kishin organizuar ngjarjen “Prishtine-Mon Amour” e cila u mbajt në pjesën e djegur dhe të braktisur të Pallatit të Rinisë dhe Sporteve, i njohur si “Boro Ramizi”.

“Në të njëjtën frymë, por në formë tjetër, u krijua edhe projekti “E Dehun”  ku për herë të parë objekti i papërfunduari Kishës Ortodokse serbe u shfrytëzua artistikisht”, tha Ismaili.

Sipas tij, ky objekt i nisur për kishë e i papërfunduar, me vite të tera ka qëndruar i braktisur dhe pa funksion të qartë në mes të kampusit të Universitetit të Prishtinës.

“Unë besoj se duhet të ketë debat publik në lidhje me këtë objekt në mënyrë që kjo hapësirë t’i shërbejë komunitetit dhe jam i lumtur që projekti ‘E Dehun’ po i shërben këtij qëllimi”, tha Ismaili.

Fakti se këngëtarja e re kosovare Era Istrefi ka xhiruar një pjesë të videos së saj në Kishën Ortodokse në Afërsi të Bibliotekës Kombëtarë në Prishtinë e ka nervozuar Kishën Ortodokse serbe në Kosovë.

Dioqeza e Rashkës së Prizrenit  e ka dënuar atë që e ka quajtur “koreografi pothuajse të zhveshur dhe blasfemike”.

Pjesa më e madhe e videos e cila është postuar me 17 maj në kanalin “YouTube” shpërfaq këngëtaren Istrefi me “dreadlocks” duke treguar gjoksin e saj nëpërmjet një këmishe transparente teksa kërcen në hyrje të kishës me katër valltarë dy prej të cilëve kanë të shkruar në trupin e tyre motot “Mos pozo” dhe “Mos je i marrshëm”.

Ndërtimi i Kishës “Sveti Nikola” kishte filluar të ndërtohej në vitet ’90 ndërsa ndërtimi i saj u ndalua në vitin 1998 kur shpërtheu lufta në Kosovë. Kisha tashmë është e braktisur dhe hyrja kryesore është e mbuluar me tela e gjemba.

25.06.2014 17:04:13

Kisha Serbe e Quan “Blasfemi” Videon e Era Istrefit

Kisha serbe ka dënuar videon “E dehun” të pop këngëtares Era Istrefi duke e quajtur atë “përdhosje” të Kishës Ortodokse “Sveti Nikola”

BIRN

Fakti se këngëtarja e re kosovare Era Istrefi ka xhiruar një pjesë të videos së saj në Kishën Ortodokse në Afërsi të Bibliotekës Kombëtarë në Prishtinë e ka nervozuar Kishën Ortodokse serbe në Kosovë. 

Dioqeza e Rashkës së Prizrenit  e ka dënuar atë që e ka quajtur “koreografi pothuajse të zhveshur dhe blasfemike”. 

Pjesa më e madhe e videos e cila është postuar me 17 maj në kanalin “YouTube” shpërfaq këngëtaren Istrefi me “dreadlocks” duke treguar gjoksin e saj nëpërmjet një këmishe transparente teksa kërcen në hyrje të kishës me katër valltar, dy prej të cilëve kanë të shkruar në trupin e tyre motot “Mos pozo” dhe “Mos je i marrshëm”.

“Për fat të keq, ky incident i fundit shpërfaq atë se ne çfarë pozite të trishtuar gjendet Kisha Ortodokse”, tha dioqeza në një deklaratë. 

Ndërtimi i Kishës “Sveti Nikola” kishte filluar të ndërtohej në vitet ’90 ndërsa ndërtimi i saj u ndalua në vitin 1998 kur shpërtheu lufta në Kosovë. Kisha tashmë është e braktisur dhe hyrja kryesore është e mbuluar me tela e gjemba. Në vitet e fundit, disa organizata jo qeveritare të Kosovë kanë bërë thirrje të ajo të shkatërrohet ose të shndërrohet në një Muze përkujtimor për Ushtrinë Çlirimtare të Kosovës. 

<iframe width=”560″ height=”315″ src=”//www.youtube.com/embed/yddX5MB9vig” frameborder=”0″ allowfullscreen></iframe>