Ilustrim: Mbyllja e një lokali nga ATK - Foto: KALLXO.com
Gjetjet e Gjykatës: Si tentoi të korruptohet me 1 mijë euro inspektori i ATK-së
Inspektori i Administratës Tatimore të Kosovës, Bekim Bilalli, i akuzuar për marrje ryshfeti u dënua me 6 muaj burgim.
Gjykata Themelore e Prishtinës përveq dënimit me burg, këtë zyrtar e dënoi edhe me gjobë në shumë prej 1 mijë euro.
Sipas aktakuzës, Bilalli kishte kërkuar ryshfet nga biznesmeni, Sherafedin Gashi, pronar i kompanisë ‘Fresh Fruit’.
Billalli gjithashtu obligohet t’i paguajë shpenzimet e procedurës në shumë prej 100 euro.
Shpalljen e aktgjykimit e bëri gjykatësja Naime Krasniqi- Jashanica.
Pala e dëmtuar për realizimin e kërkesës pasurore – juridike u udhëzua në kontest civil.
Mbrojtësi i të akuzarit, avokati Sevdali Zejnullahu, deklaroi se do parashtroj ankesë në Gjykatë të Apelit.
Sipas aktakuzës inspektori fillimisht kishte kërkuar 1.000 euro për rimbursim ndërsa më vonë i ishin dukur pak dhe kishte kërkuar 5.000 euro për atë shërbim.
“Bekim Bilalli në cilësinë e personit zyrtar pranë ATK-së, me qëllim që vetit t’i sjell përfitim të kundërligjshëm ka kërkuar ryshfet nga i dëmtuari Sherafedin Gashi, pronar i firmës “Fresh Fruit’’, për kthimin e mjeteve të rimbursimit të TVSh, ku në shtator të vitit 2015 është takuar me të dëmtuarin Sherafedin tek kafeteria pranë ATK-së, dhe i ka kërkuar 1 mijë euro ryshfet për t’ia kthyer mjetet e rimbursimit të TVSh, ndërsa në tetor i kishte thënë se puna e rimbursimit nuk kryhet me 1.000 euro qysh jemi marrë vesh por me 5 mijë euro “, thuhet në aktakuzë.
Sipas aktakuzës, i dëmtuari më pas kishte deklaruar se “nuk t’i jap 5 mijë euro, paret e mija, djersën time nuk ta jap”.
https://kallxo.com/ne-gjykimin-per-ryshfet-te-inspektorit-te-atk-se-deshmon-kolegu-i-tij/
https://kallxo.com/ne-gjykimin-per-ryshfet-te-inspektorit-te-atk-se-deshmon-kolegu-i-tij/