Kancelarja gjermane, Angela Merkel - Foto: REL/AFP
Gjermani: Liderët Optimistë për Arritjen e Koalicionit
02.2.2018 - 16:21
Liderët e partive kryesore politike në Gjermani thonë se janë optimistë për finalizimin e marrëveshjes për formimin e “koalicionit të madh”.
Përfaqësuesit e partisë Unioni Demokratik Kristian (CDU) të kancelares, Angela Merkel, pastaj të partisë Unioni Social Krisitan (SCU) dhe Social Demokratët e krahut të majtë (SPD), planifikojnë të takohen ndaras gjatë ditës së sotme, për t’u përgatitur për rundin final gjatë fundjavës.
Partitë e kanë caktuar afatin deri më 4 shkurt për arritjen e marrëveshjes për koalicionin qeverisës, derisa Angela Merkel mbetet kancelare.
Andreas Scheuer nga SCU tha se është optimist përkundër pengesave që ende duhet të kapërcehen.