Autoritetet komunale në Zveçan në katër tenderë të shpallur në muajin tetor të këtij viti u kanë kërkuar kompanive konkurrente që të plotësojnë një kriter diskriminues në baza territoriale. Për të lidhur kontratë me këtë komunë kompanitë duhet që të dëshmojnë se kanë përvojë pune me komunat veriore të Kosovës. Ky kriter eliminon kompanitë që punojnë jashtë veriut të vendit. Agjencia Kundër Korrupsion dhe Komisioni Rregullativ i Prokurimit Publik vlerësojnë se ky veprim përbën shkelje të Ligjit të Prokurimit.