Si ta Puthësh Shefin tuaj në Stilin Yanukovych
Një listë qëndron në një tavolinë të përdorur nga kujdestari në rezidencën luksoze të Mezhyhiryas, pronë e liderit të arratisur ukrainas, Viktor Janukovyçh
Ajo është hartuar me kujdes dhe mjaft saktë, duke treguar jo vetëm emrat e deputetëve dhe zyrtarëve të qeverisë të cilët kishin dhënë dhurata për ish-presidentin e arratisur, por edhe çfarë dhuruan, për çfarë arsye dhe cili ishte vendi më i mirë për t’i ruajtur ato.
Për ditëlindje dhe festat tjera. Dhjetëra stoli apo sende për t’u dukur, dhe dhjetëra emra.
Në listë është edhe kryetari i Komitetit të Rregullores së Parlamentit, Volodymyr Makeienko. Ai ka dhuruar një pjatë argjendi kaviar. Por, kur gazetarët e kontaktuan atë për të komentuar në lidhje me dhuratën, ai ua kthente madje nëse po pyesnin njeriun e duhur.
“Ndoshta, ai ishte një tjetër Makeienko?, tha ai . “A e dini se ka pasur edhe dy Volodymyr Makeienko të tjerë në mbledhje të tjera të Parlamentit ?! Sinqerisht, a e dini?”
Pastaj Makeienko ndryshoi kurs në mënyrë të menjëhershme dhe tha se pjata e kaviarit ishte një dhuratë e përbashkët: “Ne kemi një grup prej afërsisht 200 njerëzve. Rreth 198. Pastaj grupi u nda në grupe me nga 30 persona. Unë kam qenë një prej tyre. Dhurata janë bërë bashkërisht nga grupet”.
Vetë pjata e argjendit (pa kavjar) mund të gjendet me dhuratat të tjera nga lista në Muzeun Kombëtar të Artit në ekspozitën e artefakteve të Mezhyhiryas. Afër saj qëndron karta e biznesit të Volodymyr Makeienko.
Anna Herman, ish zëvendësshefe e Administratës Presidenciale, ishte larguar nga shkëlqimi modern në favor të antikitetit, duke u paraqitur para Janukovych-it me një qyp nga shekulli i dytë para Krishtit, sipas dosjeve të Mezhyhiryas.
Por Herman nuk ishte në gjendje të kujtonte shumë rreth artefaktit të rrallë.
“A ishte qyp mbushur me monedha të arta?” Pyeti ajo me sarkazëm. “Çfarë do të thotë?”
Serhiy Kunitsyn, përfaqësues i ish-presidentit në Krime, tha se ai kurrë nuk i dha dhuratën që evidentohet t’ia ketë dhënë- një statujë të vogël të Shën Qirilit dhe Metodit, apo Kirilit dhe Mefodiy në ukrainisht që daton nga viti 861: “Jo, unë nuk ia kam dhuruar atë. Cila është vlera e saj? Unë nuk e kam dhuruar atë. Unë nuk jipja dhurata të tilla për Yanukovych-in. “
Ish-Ministri i Situatave Emergjente, Nestor Shufrych, ishte i habitur kur u pyet për dhuratat për ish-presidentin: “Një tigër? Ju jeni gabim. Oh, ju doni të thoni një skulpturë e një tigri!”
“Kjo dallon, Ju thatë një tigër. Unë imagjinova një tigër të gjallë”. “Po, ai pranoi. Kur presidenti kishte ditëlindjen e tij, grupi jonë i bëri disa dhurata “, shpjegoi Shufrych.
Zëvendëskryeministri dhe ish-ministri i Mbrojtjes Oleksandr Kuzmuk dhe shefi i Shërbimeve Kufitare Mykola Litvin, janë gjithashtu në listë.
Përshtatshmërisht me natyren e tij ushtarake, Kuzmuk i dhuroi Yanukovychit një tank model. Më befasuese, ishte dhurata e Litvin-it, një ikonë e shekullit të 19. Kur OCCRP (Projekti i Raportimit të Krimit të Organizuar dhe Korrupsionit)e pyeten Litvin-in çfarë vlere kishte ikona, deputeti u përgjigj: “Për mua, nuk ka çmim.”
Të dukshme për t’i parë të gjithë
“Kodi i Mezhyhirya” është titulli i ekspozitës së dhuratave të Yanukovych-it në Muzeun Kombëtar të Artit. Edhe pse jo të gjitha dhuratat janë ne ekspozitë, ekspozita ende mbush tetë salla. Ndër thesaret më të çmuara , është një artefakt trypillyan, art i vizatimit nëpër enë, me një vjetërsi 5000 vjeçare nga historia e Ukrainës. Kjo ishte një dhuratë nga ish-presidenti Viktor Jushchenko.
Ish-anëtarët e opozitës, që janë tani zyrtarë të lartë qeveritarë të Ukrainës, po ashtu u treguan bujarë. Arseniy Yatseniuk, Vitali Klychko dhe Petro Poroshenko të gjithë i kishin dhuruar dhurata Yanukovychit.
Njëjtë sikur të tjerët, zemergjerë u treguan edhe prokurori i përgjithshëm, si dhe një numër i ministrave. Një nga dhuratat më intriguese është një kukull e madhe gome me me fytyrën e Yanukovych-it, e cila u gjet në një kuti në rezidencnë. Kukulla ishte e veshur me veshje të garuesve të veturave profesionale dhe mbathur kishte atlete të lira.
Dhuruesi- ish-ministri i Kulturës, Mykhailo Kulyniak.
Fondi Presidencial
Presidentët në mbarë botën marrin shumë dhurata. Në Ukrainë, dhuratat që presidenti nuk i zgjedh për t’i mbajtur, dërgohen në Fondin e Dhuratave të Presidentëve, të vendosura në Bibliotekën Vernadsky. Aty ndodhen dhuratat që u janë dhënë të gjithë kryetarëve gjatë viteve. Por ky vend ka shumë më pak dhoma se rezidenca e Yanukovych-it.
Gjërat e fundit që administrata e Yanukovych-it ka dërguar në Fond, ishin disa foto-portrete të ish-presidentit.
Si mund presidentët të zgjedhin se cilat dhurata mund t’i mbajnë e cilat t’i dërgojnë në Fondin Presidencial të Dhuratave? Sipas ligjeve të Ukrainës, presidenti duhet të heq dorë nga çdo dhuratë që është me vlerë më shumë se 500 hryvnia (41dollarë).
Por Oleksandr Tsvetkov, profesor i Akademisë Diplomatike, thotë se ligjet nuk zbatohen.
“Për fat të keq, edhe pse ka rregulla të mira, në Ukrainë ato ose interpretohen keq ose zbatimi i tyre nuk kontrollohet”, tha Tsvetkov.
Në ShBA dhe Britani të Madhe, në faqe të internetit është e shfaqur lista e plotë e dhuratave të pranuara nga zyrtarët e qeverisë. Për shembull, në ShBA ju mund të gjeni se kush i ka dhënë një qyp me vlerë deri në 1,000 dollarë presidentit.
Ukraina nuk ka faqe të tilla të internetit, deri tani, qytetarët e saj nuk mund të gjejnë se kush çfarë u jep presidentëve të saj.