Ministria e Arsimit ka renditur Hanin e Elezit, Kaçanikun dhe Mitrovicën si tri komunat me rezultatet më të dobëta në testin e maturës shtetërore. Tri më të suksesshmet janë Deçani, Juniku e Podujeva. Nota mesatare e vlerësimit për të gjithë maturantët është 2.8 që, sipas ministrisë së arsimit, rrumbullakësohet me notën 3. Në shkollat e monitoruara nga Gazeta Jeta në Kosovë gjatë pjesës së dytë të testit të maturës vërehet se maturantët kishin mundësi kopjimi dhe se kishte gabime teknike në test.