Jeta Xharra Shpërblehet Për Promovim Të Grave (TV)
Jeta Xharra, drejtoresha e BIRN-it dhe moderatorja e Emisionit Jeta në Kosovë, ka fituar çmimin e parë për gazetari televizive, të ndarë nga UN Women, në bashkëpunim me Grupin për Siguri dhe Barazi Gjinore.
Çmimi dedikuar grave u nda për nder të hapjes së fushatës së sivjetme të 16 ditëve të aktivizmit kundër dhunës në baza gjinore.
Xharra ka marrë çmimin për emisionin e saj dedikuar sukseseve të regjisores shqiptare Blerta Zeqiri.
Gazetarja Antigona Uka e ka marrë çmimin e dytë për storjen më të mirë të publikuar në gazetat e shtypura me artikullin “Përjashtimi i Femrës nga e Drejta e Pronës”, të botuar në revistën Teuta, ndërsa çmimin e tretë për storjen më të mirë në mediat online e ka marrë gazetari Arbër Selmani, me artikullin “Kosova Pranon Paradë Homoseksualësh”, nga portali Zëri.
Fushata kundër dhunës në baza gjinore do të zgjasë nga 25 nëntori deri më 10 dhjetor.