Zëvendësministri i ankohet kryeministrit: Nuk kam bashkëpunim me Ministrin Abelard Tahiri
Zëvendësministri i drejtësisë, Naim Qelaj, në raportin 100 ditor të punës, të cilin ia ka dërguar Kryeministrit, në një faqe të veçantë i ankohet për mungesën e bashkëpunimit me ministrin dhe ka kërkuar mbështetjen e Haradinajt.
“Që nga emërimi në këtë pozitë, jam trajtuar me shumë respekt si nga Ministri, anëtarët e kabinetit dhe stafi tjetër i ministrisë. Por, ajo që nuk ka ndodhur është bashkëpunimi, të cilin unë me aq ngulm e kam kërkuar. Nuk e di arsyen pse ka ndodhur kjo”, thotë Qelaj.
Ai thotë se përveç emërimit si Koordinator Nacional Kundër Dhunës në Familje, që automatikisht i takon zv. Ministrit të Drejtësisë dhe prezantimit në mbledhjet e Qeverisë kur mungon Ministri, nuk i është ndarë asnjë sektor që ta udhëheqë apo nuk i është caktuar të jetë pjesë e ndonjë grupi, që siç thotë të jap kontributin e tij.
Ndërsa në raportin 12 faqesh të punës së tij, të cilin e ka siguruar KALLXO.com, ai ka renditur në formë kalendarike gjithë aktivitetin e tij.
Thotë që një dhjetor është takuar me Kabinetin e Ministrisë, më pas është takuar edhe me të gjitha departamentet në kuadër të MD-së dhe takime tjera me zyrtarë tjerë jashtë ministrisë.
Në raportin pesë faqesh të zëvendësministrit ka edhe gabime të shumta drejtshkrimore.
KËTU mund të lexoni raportin e plotë të zëvendësministrit Naim Qelaj.
KALLXO.com do të publikojë raportet e punës së zëvendësministrave.
Pas pak mund të lexoni raportin e punës së zëvendësministrit Mustafa Grainca.
Shkrime të tjera nga dosja e zëvendësministrave:
Zëvendësministri i raporton aktivitetet partiake tek Kryeministri
Zvëvendësi i Mahir Yagcilar: Javën e parë u njoftova me Ministrin dhe Sekretarin
Zëvendësministri ia dërgon kryeministrit agjendën me 76 takime
Zëvendësministri i raporton Haradinajt: Jam takuar me ministren
Zëvendësministri raporton tek Haradinaj 30 takime për 100 ditë
Zëvendësministri i ngarkuar me hulumtime dhe grupe punuese
Gjergj Dedaj i ankohet Haradinajt, Pacolli nuk më pranon në takim
Zëvendësministrja e llogaritë punë vizitën në Katedrale
