Gjashtë muaj burgim me kusht për vjedhje të pyllit

Në Gjykatën e Gjakovës u mbajt shqyrtimi fillestar kundër të akuzuarit Nik Shala.

I akuzuari Nik Shala pronoj fajësisë për veprën që i ngarkohet,dhe shton se është penduar për këtë vepër.

Prokuroria pretendon se i akuzuari ka kryer veprën penale të vjedhjes së pyllit në vazhdimësi.

Paraprakisht gjyqtari Mentor Bajraktari, e njoftoj të akuzuarin se pranimi i fajësisë merret si rrethanë lehtësuese.

Prokurori Ismet Tofaj nuk e kundërshtoj pranimin e fajësisë nga ana e të akuzuarit, duke thënë që i njëjti  mbështetet në provat e paraqitura në aktakuzë.

Pasi që gjykata e aprovoj pranimin e fajësisë, shpalli aktgjykimin.

Nik Shala për veprën penale të vjedhjes së pyllit në vazhdimësi, u dënua me dënim me kusht prej 6 muaj, i cili dënim nuk do të ekzekutohet nëse brenda 1 viti nuk do të kryej vepër tjetër penale.

Poashtu gjykata e detyroj të njëjtin ti paguaj edhe shpenzimet procedurale në shumë prej 70 euro.

Sipas aktakzës së Prokurorisë, në Korrik të vitit 2017, në Pyllin Publik-Rajoni Ekonomiko Pyjor “Pashtriku”, me qëllim të përfitimit të kundërligjshëm, me motosharrë ka prerë ilegalisht dru të llojit “ahu”.

Këto drunj kanë qenë të gjatësisë 4 metra, të tarshësisë 9 cm e në vëllim të përgjithshëm prej 2.31 m3- thuhet në aktakuzë.

Me këto veprime, në aktakuzë thuhet se të dëmtuares Drejtorisë për Bujqësi e Pylltari dhe zhvillim rural-Njësia Pyjore Gjakovë,i ka shkaktuar dëm në shumë prej 441.78 euro.

Andaj dyshohet të ketë kryer veprën penale të vjedhjes së pyllit në vazhdimësi.