Gjakovë, pranon fajësinë për përdorim të drogës

Edison Istrefi nga Gjakova ka pranuar fajësinë për përdorim të drogës.

Istrefifillimisht ishte akuzuar nga Prokuroria e Gjakovës për blerje dhe shitje të drogës, mirëpo në gjykimin e sotëm prokurori Ali Uka e ricilësoi veprën penale duke e akuzuar Istrefin vetëm për posedim të drogës.

“Nuk është arritur të vërtetohet se i akuzuari Istrefi, ka shitur substancë narkotikë”- deklaroj prokurori Uka.

Në seancën e sotme pranë gjyqtarit Nikollë Komani, Istrefi pranoi  fajësinë për posedim të narkotikëve.

“Unë e pranoj se drogën që ma ka nxon policia, e kam pas grumbull e jo të ndarë nëpër qese, sepse kam pas qëllim ta përdori përvete e jo ta shes”- deklaroj i akuzuari Edison Istrefi.

Ndërsa mbrojtësi i të akuzuari Edison Istrefi, avokati Binak Cena, kërkoj nga gjykata që ndaj klientit të tij të i shqiptohet një dënim më i butë.

Ndërkaq gjyqtari i rastit Nikollë Komani, caktoj ditën e mërkurë për shpalljen e aktgjykimit.

Sipas aktakuzës, Edison Istrefit gjatë kontrollës nga zyrtarët policor i është gjetur 9.54 gram marihuanë, një mulli i vogël për bluarjen e narkotikut dhe një pako rizlla.

Aktakuza tregon se droga e të akuzuarit Istrefi, është gjetur në shtëpinë e tij në rrugën “Çamëria” në Gjakovë.

 

08 Korrik 2019 - 18:02

Tringa Rruka 08/07/2019 - 18:02
NDËRVEPRIMI0
Prishtina Insight
NA NDIQNI

Send this to a friend