Ilustrim - Gjykata e Gjakovës
Gjakovë, mbetet në burg burri i dyshuar për rrahje të gruas
Gjykata e Gjakovës njofton se i është caktuar masa e paraburgimi ndaj të pandehurit A.K. për lëndimet që dyshohet se ia shkaktoi gruas.
Pasi është aprovuar kërkesa e Prokurorisë për caktimin e paraburgimit, gjykata ka caktuar masën e paraburgimit prej një muaji ndaj të pandehurit A.K.
I pandehuri dyshohet se më 8 prill, në banesën e tij në Gjakovë, pas një mosmarrëveshjeje, i ka shkaktuar lëndime të lehta trupore bashkëshortes së tij M.P., duke e goditur me
grushte nëpër trup.
Lëndimet ishin konstatuar nga raportet fillestare të mjekut.
Në njoftimin e gjykatës thuhet se me këto veprime dyshohet se i pandehuri A.K. ka kryer dy vepra penale.
Ai do të mbahet në paraburgim në kohëzgjatje prej një muaji, që do të llogaritet prej kohës së arrestimit më 8 prill dhe do të zgjasë deri më 8 maj.
Gjyqtari i procedurës paraprake, ka vlerësuar se janë përmbushur kushtet ligjore për caktimin e masës së paraburgimit për të pandehurin në fjalë, ngase bëhet fjalë për vepra penale të ndjeshme.
Sipas gjykatës, nëse do të lirohej ekziston rreziku që i pandehuri ta përsërisë veprën apo ta kryejë ndonjë vepër tjetër penale.
Kallxo.com gjatë ditës kishte raportuar për këtë rast.
https://kallxo.com/gjakove-burri-rrah-gruan-me-grushte/