Gazmend Muhaxheri Dënohet nga PZAP

Një baner i kandidatit për kryetar të Pejës nga radhët e LDK-së, Gazmend Muhaxheri, i ka kushtuar me gjobë prej 1.100 euro.

Paneli Zgjedhor për Ankesa dhe Parashtresa – PZAP e ka gjetur të bazuar ankesën e parashtruar nga BIRN dhe Internews Kosova, me anë të së cilës paraqitej se si një baner i Gazmend Muhaxherit ishte vendosur brenda oborrit të çerdhes publike.

LDK, dega në Pejë, është arsyetuar duke thënë se billbordi ishte i vendosur me leje të Komunës dhe se ishte i dedikuar ekskluzivisht për reklamim dhe se fotografia është jashtë objektit dhe se ankuesi është përpjekur të minimizojë distancën.

PZAP nuk i ka gjetur të mbështetura arsyetimet e ankuesit dhe si rrjedhojë i ka shqiptuar gjobën prej 1.100 euro.

KALLXO.com raportoi sot se edhe PDK-ja e Gjakovës është gjobitur nga PZAP pas një ankese të BIRN dhe Internews Kosova.

KALLXO.com ka raportuar vazhdimisht për shkeljet e partive politike gjatë fushatës zgjedhore për zgjedhjet lokale. Deri më tani si rezultat i ankesave të BIRN dhe IKS janë dënuar disa subjekte politike.

http://kallxo.com/zafir-berisha-denohet-1800-euro-per-spotin-femije/

http://kallxo.com/pzap-denon-lirak-celajn/

http://kallxo.com/shpend-ahmeti-denohet-nga-pzap/