FOTOGALERI: Ndarja e çmimeve për storjet për të drejtat e njeriut

Rrjeti Ballkanik i Gazetarisë Hulumtuese në Kosovë (BIRN), në bashkëpunim me Ambasadën e Mbretërisë së Holandës dhe Avokatin e Popullit, kanë ndarë tri çmime për storjet më të mira në fushën e të drejtave të njeriut.

Çmimin e parë për dokumentarin “Qielli po hapet” e fituan Venera Çoçaj dhe Matko Bulent nga Kosovo 2.0.

Dokumentari i tyre trajton njërën prej temave më të padiskutuara në vend për njërin prej grupeve më të margjinalizuara, atë të komunitetit LGBT.

Për dokumentarin “Të jesh Plak” çmimin e dytë i fitoi Ardiana Thaçi-Mehmeti nga KOHA.net.

Dokumentari i saj trajton të drejtat e të moshuarve brenda familjes dhe brenda qendrave të të moshuarve.

Ndërsa, çmimi i tretë u takoi dy gazetareve, Besa Kalaja nga Preporttr, me storien “Mos u plaksh”, hulumtim i cili trajton mungesën e trajtimit institucional për njërën prej kategorive më të diskriminuara në vend – njerëzve të moshuar dhe Kaltrina Rexhepi,  nga RTK me dokumentarin “Fëmija Nënë”, i cili sjell një këndvështrim të patrajtuar dhe të lënë larg debatit publik, atë të martesave të hershme.

Këto janë pamjet nga ceremonia e ndarjes së çmimeve, foto të realizuara nga fotoreporteri i KALLXO.com, Atdhe Mulla.

04 Tetor 2018 - 19:14

Doruntina Baliu 04/10/2018 - 19:14
NDËRVEPRIMI0
Prishtina Insight
NA NDIQNI

Send this to a friend