Ramush Haradinaj | Foto: Atdhe Mulla
Fjalët e Haradinajt pas rizgjedhjes në krye të AAK-së
Kryeministri Ramush Haradinaj është rizgjedhur sërish kryetar i Aleancës për Ardhmërinë e Kosovës në Kuvendin zgjedhor që kjo e fundit e mbajti sot.
Pas rizgjedhjes ai e ka shkruar në profilin e tij në Facebook ku e ka cilësuar partinë e tij si parti atdhetare dhe të vlerave të lirisë e kushtetutës.
Ky është postimi i plotë i Ramush Haradinajt
“Aleanca për Ardhmërinë e Kosovës është parti atdhetare, e vlerave të lirisë, të Kushtetutës, demokracisë dhe angazhohet për miqësi të përhershme me Amerikën, duke qëndruar paluhatshëm në rrugëtimin euro-atlantik.
Kuvendi VIII Zgjedhor i AAK-së i fuqizoi edhe më tej këto zotime dhe parime partiake.
Me krenari mora përgjegjësinë që të vazhdoj t’i prijë AAK-së, me synim krijimin e vlerës së re të një projekti serioz, me të gjithë qytetarët e vendit.
Falemnderit Aleancë për besimin dhe na priftë e mbara!”