Fillon shqiptimi i gjobave për ndotje të ambientit në Malishevë
15.11.2018 - 15:31
Drejtoria e Inspektoratit në Komunën e Malishevës, ka filluar ta zbatojë udhëzimin për ndëshkime me gjoba mandatore për mbrojtjen e mjedisit.
Sipas Drejtorisë së Inspektoratit ky udhëzim ka filluar të zbatohet më datë 13 nëntor, ku edhe është shqiptuar gjoba e parë.
Sipas drejtorit të Drejtorisë së Inspektoratit në Malishevë, Dibran Kastrati, ka thënë se të gjithë personat që e ndotin ambientin do të ndiqen procedurat ligjore.
Gjoba e parë është ekzekutuar për një person, i cili është kapur duke djegur mbeturinat në sipërfaqe publike në natyrë.