Foto-ilustrim
Ferizaj, një muaj paraburgim për të dyshuarin për grabitje
14.5.2019 - 18:20
Gjykata e Ferizajt ka aprovuar kërkesën e Prokurorisë për caktimin e masës së paraburgimit ndaj të pandehurit M.S., i dyshuar për veprën penale të grabitjes.
Gjyqtari i procedurës paraprake i Departamentit për Krime të Rënda kërkesën e prokurorit të shtetit për caktimin e masës së paraburgimit kundër të pandehurit të dyshuar e ka aprovuar si të bazuar konform dispozitave të KPPRK-së dhe të njëjtit i është caktuar masa e paraburgimit në kohëzgjatje prej një muaj, thuhet në njoftimin e dërguar nga Albënora Bekteshi – Hoti, zyrtare për informim e Gjykatës së Ferizajt.
Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.