Burim Kelmendi, kryeshef i kompanise regjionale "Pastrimi" Foto: KALLXO.com
E pranon kryeshefi, partia e Haradinajt e ndihmoi në punësim
Kryeshefi i ndërmarrjes publike “Pastrimi”, Burim Kelmendi e ka pranuar për KALLXO.com se është simpatizant i Aleancës për Ardhmërinë e Kosovës dhe se është ndihmuar nga AAK për të ardhur në krye të ndërmarrjes, ndonëse është zgjedhur përmes konkursit.
“Pjesë e ndonjë partie politike nuk jam, por jam simpatizant i Aleancës për Ardhmërinë e Kosovës. Në pozitën e kryeshefit jam ardhë përmes konkursit publik”, tha Kelmendi për KALLXO.com
Ai e pranon se është ndihmuar nga AAK për të ardhur në krye të ndërmarrjes.
“Normal që na ka ndihmuar”, u shpreh Kelmendi kur u pyet nëse është ndihmuar nga AAK për të ardhur në krye të kësaj ndërmarrje.
Kompania regjionale “Pastrimi”, përveç në Komunën e Prishtinës, menaxhon edhe me disa njësi tjerë.
Aktiviteti i kompanisë shtrihet në 7 komuna, në Prishtinë, Fushë Kosovë, Obiliq, Drenas, Podujevë, Graçanicë dhe Lipjan.
Në intervistën dhënë për KALLXO.com, Kelmendi ka folur për punësimet që janë bërë në këtë kompani në muajt e fundit.
Kompania Pastrimi numëron rreth 600 punëtorë që janë të shtrirë në të gjitha njësitë regjionale.
Intervistën e plotë me kryshefin e ndërmarrjes “Pastrimi”, Burim Kelmendi mund ta gjeni këtu.