Dy të arrestuar në Prizren për gjuajtje me armë në dasma

Policia e Prizrenit ka arrestuar dje pasdite një person, i  cili dyshohet se ka shtënë me armë në një aheng familjar.

Rasti ka ndodhur në rr. “Ulqini”.

Njësitet policore gjatë kontrollit të të dyshuarit për gjuajtje me armënë një aheng familjar, kanë gjetur dhe konfiskuar një armë gjuetie, Cifsan CSP 555 , cal-12 , 28 fishekë dhe dy gëzhojë.

I dyshuari është arrestuar dhe me vendim të prokurorit pas intervistimit i njëjti është liruar në procedurë të rregullt.

Një rast tjetër i të shënave në aheng familjar në Prizren ka ndodhur mbrëmë rreth orës 21:20, në rr. “Xhevat Berisha”.

Është arrestuar i dyshuari pasi që i njëjti gjatë një ahengu familjar ka shtënë me armë zjarri, njofton Policia.

Njësiti policor nga i dyshuari ka konfiskuar armën-pistoletë Gap me një karikator me pesë fishekë.

Me urdhër te prokurorit pas intervistimit i dyshuari lirohet në procedurë të rregullt.

Të dy rastet po trajtohen si shkaktim i rrezikut të përgjitshëm.