Ekipi i Drejtorëve në Gjilan, Foto: Komuna e Gjilanit
Drejtorit me aktakuzë i vazhdohet mandati në Gjilan
02.5.2018 - 14:03
Kryetari i Komunës së Gjilanit, Lutfi Haziri ka bërë prezantimin e ekipit të ri të drejtorëve komunalë.
Haziri që po e udhëheq Gjilanin në mandatin e dytë është ndër Kryetarët e fundit të komunave që po e kompleton ekipin pas zgjedhjeve komunale.
Në ekipin e ri të drejtorëve komunalë për mandatin e dytë Naser Korça është ri-emëruar si Drejtor i Shërbimeve Publike.
Muajin e kaluar ndaj Korçës është ngritur aktakuzë për Keqpërdorimin e Detyrës Zyrtare.
Aktakuza ishin ngritur edhe për dy ish-drejtorë të Gjilanit, Valon Shefkiu dhe Salih Kqiku, të cilët nuk janë emëruar si drejtorë në këtë mandat.