Dragash, të shtëna me armë për pronë
10.11.2018 - 11:04
Disa burra kanë raportuar se pas një mosmarrëveshje pronësore fqinji i tyre i kishte shtënë me armë zjarri në drejtim të tyre.
Incidenti ka ndodhur në Dragash rreth orës 15:30.
Sipas policisë, në vendin e ngjarjes janë gjetur dhe konfiskuar gjashtë gëzhoja.
“I dyshuari është arrestuar, ndërsa arma M-70 me 65 fishek dhe pajisjet për mirëmbajtje e armës janë gjetur dhe konfiskuar në një shtëpi tjetër ku i kishte fshehur”, njofton Policia e Kosovës.
Ndërsa, me urdhër të prokurorit i dyshuari është dërguar në mbajtje.