Qeverisja e LDK-së bleu cigare e raki me pare të shtetit

Komuna e Ferizajt gjatë drekave zyrtare, përvec ushqimit, kanë blerë edhe cigare, të cilat kanë hyrë në faturën e shtetit.

Në një takim të Kuvendit komunal me banorët e fshatit Nerodime ishin shpenzuar 263 euro për një drekë.

Në këtë drekë, përvec ushqimit si biftekë, pogagje e troftë ishin porositur edhe pijë të ndryshme alkoolike.

Në këtë drekë të shtuar në restaurant Freskia zyrtarët e Komunës kanë pirë 20 rakia të dardhës që i kushtuan shtetit plotë 40 euro. Një gotë raki u kishte kushtuar 2 euro.

Përvec rakisë së dardhës, në këtë drekë ishin pirë edhe 2 gota Jack Daniels, 2 birra Heiniken, 2 birra të shkupit dhe  6 birra të pejës.

Kostoja e birrave kishte kapur shifrën e 13 eurove. Aty ishte pirë edhe një gotë verë e llojit Chardonary që kishte kushtuar 3 euro si dhe 5 gota verë të llojit Vranac që i kushtuar buxhetit të shtetit 17 euro e gjysmë.

Faturës së mishit e rakisë iu ishte bashkangjit edhe 2 pako cigare, të llojit Marlboro.

Kjo drekë ishte shtruar në maj të vitit 2016, kur kryetar i Komunës kishte qenë Muharrem Sfarqa i LDK-së.

KALLXO.com do të publikoj edhe fatura tjera të shpenzimeve për dreka e darka zyrtare të komunave të Republikës së Kosovës.

Ky projekt mbështetet nga Fondacioni i Kosovës për Shoqëri të Hapur – KFOS. Përmbajtja është përgjegjësi e BIRN dhe në asnjë mënyrë nuk mund të konsiderohet si qëndrim i KFOS-it.

15 Janar 2019 - 21:17

Taulant Osmani 15/01/2019 - 21:17
NDËRVEPRIMI0
Prishtina Insight

Send this to a friend