Me para të shtetit, Behgjet Pacolli paguan kafe e çaja në hotelin e vet

4 makiato e dy shishe ujë i kushtuan shtetit 20 euro në hotelin e Behgjet Pacolli. Në faturën e datës 9 maj 2012-të raportohet se kafet ishin pirë nga Pacolli dhe stafi i tij.

7 produkte që në kafet e zakonshme të kryeqytetit do të kushtonin 7 euro, Pacolli i pagoi me paratë e shtetit 20 euro, edhe atë në hotelin e tij në ‘Swiss Diamond’.

4 kafe nga 3 euro, që në total bëjnë 12 euro; një çaj kamomil 3 euro dhe dy ujë panna nga 2 euro e 50 cent, kanë kushtuar 20 euro në hotelin e zëvendëskryeministrit, Behgjet Pacolli.

Swiss Diamond, bazuar në të dhënat e Publikuara në Agjencinë për Regjistrimin e Biznesit është në pronësi të “Mabetex Holding”. E Mabetex Holding, bazuar në të dhënat e ARBK-së është pronë e Behgjet Pacollit. Përveç Pacollit, pronësi në këtë ndërmarrje kanë edhe dy kompanitë të tjera: ‘Immobiliare RED’ dhe ‘Immobiliare BLU’.

Kallxo.com ka nisur publikimin e faturave të shpenzimeve të Presidentit Hashim Thaçi në kohën kur ai ishte kryeministër i vendit.

Në dosjen prej qindra faturash të siguruar pasi BIRN ka paditur Zyrën e Kryeministrit në gjykatë, do publikohen fatura të shpenzimeve për 20 muaj qeverisje të Hashim Thaçit përfshirë këtu shpenzimet e 5 zëvendëskryeministrave tjerë të asaj kohe: Bujar Bukoshi, Edita Tahiri, Hajredin Kuçi dhe Behgjet Pacolli.

Pjesë e faturave janë edhe shpenzimet e kryera nga këshilltarë e shefa të kabineteve e deri te bodigardët e qeveritarëve të lartë.

Në dosjen “Sa han Shefi” e cila tashmë është aktive në KALLXO.com, çdo ditë do publikohen fatura të reja të shpenzimeve të shoqëruara me shkrime dhe dëshmi për shpenzimet.

Dreka e Hajredin Kuçit me verëra italiane e spanjolle e shoqëruar me karkaleca deti

Hashim Thaçi pi verë që kushton 120 euro

Dreka e Hashim Thaçit ku piu 10 litra verë italiane me vlerë 500 euro