Ndërtesa e Komunës së Pejës. Photo: Atdhe Mulla.

Komuna e Pejës kampione në birra, zyrtarët konsumojnë mbi 200 të tilla

Në faturat e drekave dhe darkave zyrtare të Komunës së Pejës, rrallë herë mund të gjendet ndonjë drekë/darkë ku nuk është konsumuar alkool.

KALLXO.com ka analizuar faturat e shpenzimeve ku komunarët e Pejës kanë konsumuar 215 birra, nga më të ndryshmet por më së shumti birra vendore e kësaj komune, ajo e Pejës.

Disa prej birrave kanë kushtuar 1 euro e disa prej tyre 1 euro e gjysmë, varësisht sa kanë qenë të mëdha.

Vetëm për këto birra, buxheti i Komunës është shpenzuar 263 euro e 50 cent.

Ndërsa komunarët e Pejës, përveç birrave kanë konsumuar edhe verëra e raki të llojeve të ndryshme.

Në një drekë, zyrtarët e Komunës së Pejës kanë porositur 2 shishe verë të llojit “Stone Castle”, me vlerë totale prej 60 euro apo 30 euro për shishe.

Ndërsa 134 euro e 50 cent janë shpenzuar poashtu për pije alkoolike. Në këtë shumë hyjnë gotat e rakive të ndryshme e gotat me verë.

Edhe në këtë komunë, si në shumicën e komunave tjera ekzistojnë fatura, ku nuk specifikohet lloji i shpenzimeve por arsyetohen vetëm se pagesa është bërë për ushqim dhe pije

KALLXO.com ka fillua publikimin e dosjes “Sa Han Kryetari” ku do të bëhen publike shpenzimet e drekave dhe darkave zyrtare të Kryetarëve të Komunave dhe zyrtarëve të tyre.

06 Mars 2019 - 17:36

Taulant Osmani 06/03/2019 - 17:36
NDËRVEPRIMI0
Prishtina Insight

Send this to a friend