Arbërie Nagavci - Foto: KALLXO.com
Deputetja Kërkon Sqarim për Anulimin e Konkursit për Shkencëtarin e Vitit
Deputetja e Lëvizjes Vetëvetendosje, Arbërie Nagavci ka drejtuar një pyetje parlamentare për Ministrin e Arsimit, Shkencës dhe Teknologjisë, Shyqiri Bytyqi lidhur me anulimin e konkursit, ‘Shkencëtar i Vitit’ dhe ‘Shkencëtar i Ri i Vitit’.
Pas këtij raportimi dhe reagimit të shkencëtarëve që kishin aplikuar për këto çmime, deputetja Nagavci përmes Facebook-ut njoftoi për pyetjen parlamentare që i’a ka drejtuar ministrit.
“Në vendin tonë, kur përkundër kushteve të vështira, sistemit të arsimit që lë mjaft për të dëshiruar dhe shumë diplomave e titujve që shpesh janë vetëm një numër më shumë, ngushëllimi i vetëm janë të rinjët e të rejat që tejkalojnë sfidat e arrinë rezultate në vend dhe jasht tij, janë shkencëtarët e shkencëtaret e reja, artistët e sportistët, djem e vajza që kalojnë barrierat, ja dalin me forcat e veta e na bëjnë krenarë gjithë neve”, shkroi Nagavci.
Ajo ka bërë thirrje për të mos t’i zhgënjyer shkencëtarët e arrirë të Kosovës.
“Asnjë nga aplikuesit nuk duhet të demotivohet, por përkundrazi të punoi dhe më shumë që të bëjë këtë vend më të mirë.Fundja ata janë e do të mbeten shkencëtarë e studiues pa marrë parasyshë se kush janë ministrat e zëvendësministrat e rradhës që edhe pse shumë në numër po mbeten pak në bërjen e punëve mirë e të mira”, shkroi Nagavci.
KALLXO.com shkroi edhe për reagimin e njërit nga aplikantëve për këto konkurse, i cili e konsideroi vendim absurd anulimin.
http://kallxo.com/anulimi-konkursit-shkencetari-vitit-ngjall-reagime/