Deputetët Në Sallë Por Nuk Votojnë, Dështon Zgjedhja e Bordit të AKP-së

Ani pse në momentin e votimit për bordin e AKP-së, në sallë ishin 74 deputetë, ata nuk morën pjesë në votim në mënyrë që të bëhej kuroumi për të zgjedhur anëtarët e këtij bordi.

“74 deputetë në sallë, por nuk ka kuorum në votim”, tha kryesuesi i seancës Xhavit Haliti.

Qeveria e Kosovës ka propozuar për emërim të Bordit për Agjencinë Kosovare të Privatizimit, gjashtë anëtarë:

Hasime Mazreku
Skender Komoni
Ranko Gjokiq
Qemaj Behrami
Bekim Selimaj
Avni Ajdini

Pas dështimit të votimit të këtij bordi, Haliti propozoi që para pauzës të bëhet votimi i fshehtë për zgjedhjen e drejtorit të Agjencisë për Menaxhimin e Komplekseve Memoriale të Kosovës dhe Zgjedhja e tre anëtarëve të Komisionit të Pavarur të Mediave.

“Shkojmë në votim të fshehtë për dy votime”, tha ai.

Aktualisht deputetët po votojnë për zgjedhjen e drejtorit të AMKMK-së dhe tre anëtareve të KPM-së.