Ndërtesa qeveritare në Shkup - Foto: BIRN
Çfarë thoshin Ziadin Sela dhe Ali Ahmeti Rreth Ligjit për Gjuhën?
Një ndër përpjekjet afro 20 vjeçare të shqiptarëve të Maqedonisë për futjen e gjuhës shqipe në përdorim si gjuhë zyrtare në këtë shtet, u realizua ditë më parë nga Parlamenti i shtetit fqinj.
Ligji që rrjedh nga Marrëveshja e Ohrit e arritur në vitin 2001 që parashihte mos-dikriminim për popullsinë jo-shumicë shqiptare në Maqedoni, u votua të enjten nga 69 deputetë.
Parti dhe liderë të ndryshëm partiakë shqiptarë në Maqedoni kishin realizuar fushata duke pasur një zotim kyq, arritjen e shtrirjes së gjuhës shqipe si gjuhë zyrtare në të gjithë territorin e shtetit me 1.2 milionë banorë.
Emisioni, “Jeta në Kosovë”, kishte realizuar intervista në kohë të ndryshme me liderë të partive shqiptare në Maqedoni.
Ziadin Sela, Kryetar i Aleancës për Shqiptarët, që arriti të fitojë 3 ulëse në parlamentin maqedonas, në dhjetor të vitit 2016, theksoi se ligji për gjuhët ishte një prioritet në politikbërjen e tij.
Ai e përsëriti këtë në maj të vitit 2017, pasi kishte pësuar nga një sulm në Kuvendin e Maqedonisë.
Në anën tjeër, në maj të vitit 2016, Kryetari i Bashkimit Demokratik për Integrim (BDI), Ali Ahmeti ishte shprehur i sigurtë se miratimi i ligjit për gjuhën është cështje kohe.
KALLXO.com ka raportuar lidhur me reagimet pas miratimit të këtij ligji.
http://kallxo.com/ali-ahmeti-bashkimi-ben-fuqine/