Ndertesa e qeverisë, Prishtinë | Foto: Atdhe Mulla
Caktohet Pensioni i Viktimave të Dhunës Seksuale Gjatë Luftës
Në mbledhjen e sotme të qeverisë u miratua vendimi për pensionin e personave të dhunuar gjatë luftës.
Pensioni për këta persona do të jetë 230 euro.
Qeveria e Kosovës themeloi sot edhe Sekretarinë e Komisionit Qeveritar për Njohjen dhe Verifikim e Statusit të Personave të Dhunuar gjatë Luftës Çlirimtare të Kosovës.
Kjo sekretari do të ketë për obligim mbledhjen e aplikacioneve të personave të dhunuar”, tha në arsyetimin e tij, ministri i Punës dhe Mirëqenies Sociale, Skender Reçica.
Pjesë e sekretarisë së komisionit do të jetë një psikolog, një psikiatër dhe një juriste.
Ndërsa ministri Hamza kërkoi nga ministri Reçica që gjatë leximit të dytë të buxhetit të sjellë amendamentet e duhura në mënyrë që të kuptohet kostoja e kësaj çështjeje.
Në shtator qeveria ndau 200 mijë euro për viktimat e dhunës seksuale gjatë luftës.