Foto-ilustrim
Burrat Sulmojnë Gratë në Podujevë, Klinë e Gjakovë
Tri raste të sulmeve fizike të burrave ndaj bashkëshorteve janë raportuar në Polici gjatë 24 orëve të fundit.
Sipas Policisë, rasti i parë është raportuar dje në ora 18:30 në Podujevë.
Sipas raportit policor, është arrestuar i dyshuari pasi që i njëjti kishte sulmuar bashkëshorten e tij.
Nuk raportohet për të lënduar, ndërsa njësitet policore kanë konfiskuar dy thika dhe një kaçavidë.
Me urdhër të prokurorit i dyshuari është dërguar në mbajtje.
Rasti tjetër i dhunës në familje është regjistruar mbrëmë në Klinë rreth orës 20:55.
“Është arrestuar i dyshuari mashkull K/Shqiptar, pasi që i njëjti dyshohet se ka ushtruar dhunë fizike ndaj bashkëshortes së tij viktimës femër K/Shqiptare. Viktima ka pranuar tretman mjekësor, ndërsa i dyshuari me urdhër të prokurorit, është dërguar në mbajtje”, thuhet në raportin e Policisë.
Ndërsa, rasti i tretë është regjistruar në Gjakovë mbrëmë pak pas mesnatës.
Policia njofton se është arrestuar i dyshuari pasi që i njëjti dyshohet se ka ushtruar dhunë fizike ndaj bashkëshortes së tij, të cilës i ka shkaktuar lëndime.
Viktima është dërguar për tretman mjekësor në Spitalin Rajonal në Gjakovë, ndërsa i dyshuari me urdhër të prokurorit është dërguar në mbajtje.