Foto: Kallxo.com
Bllokohet puna e gjyqësorit, punëtorët e gjykatave dhe prokurorive në grevë
04.7.2018 - 09:27
Në Pallatin e Drejtësisë ka filluar greva e punëtorëve të administratës së gjykatave dhe prokurorive.
Për shkak se punëtoret e administratës kanë hyrë në grevë asnjë palë nuk është duke u lënë që të hyjë në gjykatë apo në prokurori.
Punëtorët e sigurimit për KALLXO.com kanë thënë se nuk e dinë se sa do të zgjasë greva por që momentalisht u është thënë që të mos lënë asnjë palë që të hyjë brenda për shkak së punëtoret e administratës janë në grevë.
Kërkesa e grevistëve është rritja e pagave për 100%, për rreth 2 mijë punëtoret e administratës dhe rregullimi i statusit të tyre.
https://kallxo.com/administrata-e-gjykatave-dhe-prokurorive-hyjne-ne-greve/