Milaim Zeka - Foto: KALLXO.com
Avokati: Milaim Zeka e Raportoi Vetë Rastin tek Organet e Ndjekjes
17.10.2017 - 13:48
Gjatë intervistës në Polici, deputeti i Kuvendit të Kosovës, Milaim Zeka, është deklaruar i pafajshëm rreth veprave për të cilat ai dyshohet.
Kështu tha për KALLXO.com avokati i tij, Gazmend Halilaj.
Avokati tha po ashtu se sipas informatave që ai ka, Milaim Zeka vetë e ka iniciuar rastin në organet e ndjekjes, “kur ka parë që biznesi nuk kishte qëllimin fillestar”.
Deputeti nga radhët e Nismës për Kosovën është ndaluar dje në Polici për 48 orë, si i dyshuar për veprat penale mashtrim dhe shmangie nga tatimi.
Sot, ndërkaq, Milaim Zeka është vizituar në qendrën e ndalimit nga KMDLNj.
Sipas kësaj organizate, Zeka nuk ka ankesa në sjelljen e Policisë.
http://kallxo.com/milaim-zeka-nuk-ka-ankesa-per-policine/