Philip Kosnett duke u larguar nga akimi me kreret e shtetit te Kosoves- 31.01.2019...

Avni Arifi: Lajmi për përplasjen e derës nga Ambasadori Kosnett është i pavërtetë

Lajmin e televizionit publik RTK, se Ambasadori i Shteteve të Bashkuara të Amerikës, Philip Kosnett, ka përplasur derën pas takimit me liderët institucionalë të mbajtur mëngjesin e sotëm e ka quajtur të pavërtetë shefi i kabinetit të kryeministrit Ramush Haradinaj, Avni Arifi, i cili ka qenë prezent në atë takim.

“Nuk dua ta komentoj takimin, por mund të konfirmoj se diçka e tillë nuk ka ndodhur”, tha Arifi për KALLXO.com.

Në lidhje më këtë KALLXO.com ka tentuar të marrë përgjigje edhe nga Presidenca e vendit, por këta të fundit nuk kanë dhënë përgjigje.

Tre krerët institucional, Presidenti Hashim Thaçi, kryeministri Ramush Haradinaj dhe kryeparlamentari Kadri Veseli mëngjesin e sotëm kanë hyrë në takim me ambasadorin amerikan, Philip Kosnett, mirëpo ky i fundit është larguar më herët nga takimi.

Ndërsa pas takimit kryeministri Haradinaj tha se u është kërkuar që t’i jepet shans vazhdimit të dialogut Kosovë-Serbi dhe shtoi se nuk e kupton se pse dialogu ndërlidhet me heqjen e taksës ndaj produkteve serbe.

Kurse i presidenti i Kosovës, Hashim Thaçi ka ritheksuar se partneriteti i Kosovës me Amerikën është i përjetshëm.

 

https://kallxo.com/thaci-kosova-mik-i-perjetshem-i-amerikes-ska-agjende-e-as-person-qe-e-sfidon-kete/

 

https://kallxo.com/haradinaj-pas-takimit-me-kosnett-se-kuptoj-pse-lidhet-dialogu-me-heqjen-e-takses/

 

https://kallxo.com/kosnett-i-mbledh-kreret-e-shtetit-ne-takim/

.