Rrahman Ramaj ka përfunduar studimet BA në Banka, Financa dhe Kontabilitet, në Fakulteti Ekonomik të Universitetit të Prishtinës, dhe aktualisht vazhdon studimet master në Menaxhment dhe Informatikë në po të njëjtin universitet. Rrahmani filloi si Analist Financiar në BIRN në 2014 dhe pas shprehjes së entuziazmit të tij për raportim gazetaresk, tani shkruan edhe artikuj për KALLXO.com. Rrahmani monitoron shpenzimin e parasë publike përmes analizimit të kontratave të ndryshme dhe raporteve të auditimit për Komunat në tërë Kosovën. Madje, analizat e financave për të ngjajnë me pikturat mozaik, që është e preferuara e Rrahmanit. Rrahmani është bashkë-autor i raportit të Monitorimit të Prokurimit Publik “Arka e Favoreve” i cili u publikua në shkurt të vitit 2015. Me pak fjalë, dashuria e dytë e Rrahmanit janë numrat (duke marrë parasysh që është i martuar dhe ka dy fëmijë).