Antigonë Isufi është gazetare në KALLXO.com dhe Prishtina Insight. Studimet Bachelor i ka përfunduar në Universitetin e Prishtinës “Hasan Prishtina”, Fakulteti i Filologjisë – Departamenti i Gazetarisë.
Ajo iu bashkua ekipit tonë në shtator të vitit 2019 fillimisht si praktikante, pastaj gazetare në KALLXO.com. Fokusi i saj është politika, me theks të veçantë politika e jashtme. Përveç tyre, ajo trajton tema të gjata për ndryshimet shoqërore, socio-kulturore, të drejtat e njeriut, por jo vetëm.
Në vitin 2021, Antigona fitoi çmimin e dytë për ambientin nga organizata ÇOHU!, për artikullin “Kosovo’s ‘urban chaos’ blamed on disappearing greenery”. Ndërsa në vitin 2022, artikulli i saj “Ikni trima se po vjen mbretnesha”, u botua në gjuhën angleze në librin“Prishtina in 53 buildings”, libër që portretizon shumëanshëm kryeqytetin e Kosovës duke përdorur arkitekturën si prizëm për të kuptuar politikën, kulturën dhe gjendjen ekonomike. Ndërsa në gusht të vitit 2023, Antigona ka fituar çmimin “ Hero Harmony Award” nga Zyra Rajonale për Bashkëpunim Rinor (RYCO) dhe Ambasada Gjermane për kategorinë “Education and Research”, me artikullin “Love divided: Kosovar-Serbian Couple Struggle to Build a Home in Disapproving Society.”
Antigonës nuk i pëlqen emri i saj që rrjedh nga mitologjia greke, por për paradoks lexon filozofi, sidomos greke dhe i pëlqen të nxisë diskutime të brendshme për dilema filozofike.
