AShAK Bëhet me 15 Akademikë të Rinj
AShAK ka bërë përzgjedhjen e tre anëtarëve të rregullt, tetë anëtarëve korrespodentë dhe katër anëtarë të jashtëm.
Anëtarët e rregullt janë Zejnullah Rrahmani nga Seksioni i Gjuhësisë dhe Letërsisë, Anton Berishaj dhe Jusuf Bajraktari nga Seksioni i Shkencave Shoqërore.
Ndërkaq anëtarë korrespodentë janë zgjedhur Bardh Rugova dhe Kujtim Shala nga Seksioni i Gjuhësisë dhe Letërsisë, Frashër Demaj, Gjyljeta Mushkolaj dhe Justina Pula, Muhamedin Kullashi nga Seksioni i Shkencave Shoqërore dhe Fetah Podvorica dhe Myzafere Limani nga Seksioni i Shkencave Natyrore.
E anëtarë të jashtëm të Akademisë janë zgjedhur Bahri Beci, Kristaq Prifti, Mateo Mandala dhe Mentor Petrela.
ASHAK si institucioni më i lartë i shkencës dhe artit në Kosovë është themeluar në 20 dhjetor të vitit 1975.
Akademia ka Seksionin e Gjuhësisë dhe të Letërsisë, Seksionin e Shkencave Shoqërore, Seksionin e Shkencave të Natyrës dhe Seksionin e Arteve.
Anëtarët e Akademisë së Shkencave dhe Arteve zgjidhen çdo katër vite në seancën zgjedhore të kuvendit të saj me vota të fshehta.
Seksionet e Akademisë paraqesin propozimet për anëtarë të rregullt dhe korrespodentë të AShAK.