Konkurs për 33 drejtorë e 4 zëvendësdrejtorë të shkollave të Podujevës

Komuna e Podujevës ka hapur konkurs për pranimin e 33 drejtorëve dhe katër zëvendësdrejtorëve në shkollat fillore, të mesme të ulëta dhe të mesme të larta.

Konkursi i hapur për 37 pozitat janë dy drejtor të shkollave të mesme, dy zëvendës drejtor të shkollave të mesme, 31 drejtor të shkollave fillore, një zëvendësdrejtor të shkollës fillore dhe një drejtor për çerdhe.

Konkursi do të jetë i hapur deri më 8 gusht të këtij viti.

Komuna e Podujevës aktualisht udhëhiqet nga Nexhmi Rudari, i cili është nën-kryetar i kësaj komune. Ai e ushtron detyrën e kryetarit pas dorëheqjes së ish-kryetarit Agim Veliut për tu bërë ministër i Punëve të Brendshme.

Rudari kishte kandiduar nga LDK-ja për kryetar të Podujevës, mirëpo zgjedhjet ishin anuluar për shkak të pandemisë. Në garë ishte edhe Shpejtim Bulliqi i LVV-së.