Blerta Perolli- Shehu emërohet prodekane në Fakultetin e Edukimit
24.1.2022 - 15:20
Profesoresha e Fakultetit të Edukimit, Blerta Perolli- Shehu, u votua sot në Senatin e Universitetit të Prishtinës si prodekane për çështje mësimore – studimet master.
Ajo për këtë pozitë u propozua nga Fakulteti i Edukimit të UP-së.
Ndërsa, ajo do të jetë përgjegjëse për implementim të programeve master duke përfshirë menaxhimin e punës së shefave dhe sekretarëve të departamenteve.
Në mbledhjen e sotme të senatit po ashtu u vota në parim konkursi për studimet e doktoratës për vitin akademik 2021/22 në programet e akredituara të njësive akademike të UP-së.
Në këtë mbledhje po ashtu u plotësua me katër anëtar Këshilli Qendror për Studimet e Doktoratës me anëtarët: Lindita Tahiri, Mirlinda Batalli, Laura Kusari dhe Fatlume Berisha.