Arjola Demiri shpallet aktorja më e mirë Festivalit ‘MonoAkt 2019'
Aktroja Arjola Demiri ka marrë çmimi “Aktorja më e mirë” e edicionit të XI-të të Festivali Ndërkombëtar të Monodramës, “MonoAkt” që u mbyll dje vonë në qytetin e Pejës.
Aktorja Demiri në këtë festivali interpretoi në monodramën “Dashuritë e virgjëreshës Madalene” me regji të Ben Apollonit.
Festivali Monoakt është mbyllur dje në mbrëmje me shfaqjen “Artist i vetëm”, pas së cilës edhe është bërë ndarja e çmimeve të këtij edicionit të Monoaktit.
Juria e Festivalit Ndërkombëtar të Monodramës në Kosovë “MonoAKT”, në përbërje: Nina Mazur, Liviu Dospinescu dhe Emin Eminit: Çmimin “Shfaqja më e mirë” ia ndau monodramës “Dhoma për një pamje”, Kroaci, “Çmimi Special” aktorit Arman Saribikian nga Franca, kurse çmimi “MonoStripi më i mirë” iu dha Blerta Gubetinit.
Asllan Hyseni, është nderuar me “Mirënjohje Post Mortum”, Ndërsa ‘Mirënjohje e Veçantë” iu nda Hasan Dreshaj, Ndersa Shpërblimi për “Vepër Jetësore” iju nda: Ahmet Jakupi nga Maqedoni, Josif Papagjoni nga Shqipëri dhe Reshat Sahitaj nga Kosovë.
Në këtë edicion të “MonoAktit” u prezantuan shfaqje nga vende evropiane si nga Kroacia, Azerbexhani, Maqedonia, si dy shfaqje kosovare.
Shfaqjet e “MonoAkt” janë mbajtur në Teatrin ‘Istref Begolli’ në Pejë, në Teatrin “Dodona” si dhe në Skenën e Fakultetit të Arteve.
Festivali organizohet nga shtëpia teatrore filmike AKT, dhe është mbështetur nga ITI dhe MKRS dhe Komuna e Pejës.