Foto: Zyra e BE-së në Kosovë

Apostolova kundër rektorëve, mbështet Agjencinë e Akreditimit

Shefja e Zyrës së BE-së, Nataliya Apostolova, është takuar sot me anëtarët e Bordit të Agjencisë së Kosovës për Akreditim (AKA), konkretisht me Këshillin Shtetëror të Cilësisë (KShC), i cili sipas saj, po bën ‘përpjekje të jashtëzakonshme për të siguruar cilësi në institucionet e arsimit të lartë në Kosovë’.

Apostolova pas takimit ka deklaruar se zotimi i anëtarëve të KShC-së është mbresëlënës dhe duhet të shërbejë si shembull.

“Bashkimi Evropian shpreh keqardhje për reagimet e disa drejtuesve të universiteteve publike kundër vendimeve të pavarura të Agjencisë. Vendimet e tilla ende nuk janë finalizuar dhe disa prej tyre mund të shqyrtohen më tej nga Komisioni i Ankesave.”, ka deklaruar ajo.

Sipas shefes së Zyrës së BE-së në Kosovë, politika duhet të rrijë larg punës së agjencive të pavarura dhe se pikërisht ndërhyrja e tyre rezultoi me përjashtimin e AAK-së nga Regjistri Evropian i Sigurimit të Cilësisë, si dhe ka vënë në pikëpyetje anëtarësimin e saj në Asociacionin Evropian për Sigurimin e Cilësisë në Arsimin e Lartë.

ORCA: Realiteti i paraqitur nga Konferenca e Rektorëve është i shtrembëruar

Ajo theksoi se këto veprime kanë pasoja të rënda për studentët e Kosovës sepse dëmtojnë aftësinë e tyre për të ndjekur studime ose për të kërkuar punë jashtë vendit.

“BE-ja përgjatë viteve ka investuar shumë në reforma në arsim në Kosovë, politikisht dhe financiarisht, për të ndihmuar në sigurimin e arsimit cilësor për të rinjtë e Kosovës. Përcaktimi i Agjencisë së Akreditimit të Kosovës për ta zbatuar këtë në praktikë është një inkurajim për Bashkimin Evropian që të rrisë angazhimin në këtë sektor.”, ka thënë tutje Apostolova.

Shefja e Zyrës së BE-së në Kosovë gjithashtu u bëri thirrje autoriteteve të Kosovës dhe partive politike që të mbështesin plotësisht punën e vazhdueshme të reformave në arsim.

Rektorët para Komisionit për Arsim: Në Excel pamë vetëm ngjyrën e kuqe

“Agjencia e Akreditimit e Kosovës dhe puna e tyre për të siguruar arsim cilësor për qytetarët e rinj të tyre, është gjithashtu vendimtare dhe kërkon mbështetje politike.”, deklaroi Apostolova pas takimit me AKA-në.

KALLXO.com ka raportuar në vazhdimësi rreth këtyre zhvillimeve që nga mbledhja e KShC-së.

(DOKUMENT) KSHC iu përgjigjet rektorëve: Nuk i plotësuat kriteret

Universitetet publike kërkojnë shkarkimin e anëtarëve të KSHC-së dhe riakreditimin e programeve të kaluara

Tërhiqet akreditimi i  74 programeve në universitete

 

28 Janar 2019 - 16:18

Liridona Ademaj 28/01/2019 - 16:18
NDËRVEPRIMI0
Prishtina Insight
NA NDIQNI

Send this to a friend