Ankesa për vijën kufitare me Serbinë në Kamenicë

Banorët e fshatit Karaqevë në Komunën e Kamenicës janë ankuar lidhur me shënjimit e vijës kufitare nga ana e KFOR-it.

Deputeti i Lëvizjes Vetëvendosje, Ismajl Kurteshi foli  lidhur me këto ankesa duke shprehur shqetësim lidhur me pronat e qytetarëve

“Sot në Karaqevë të komunës së Dardanës banorët po ankohen se KFOR-i ka vendosur arbitrarisht vijë kufitare duke i lënë në Serbi pronat e tyre. Banorët e Karaqevës protestojnë që prej vitit 1999, kur KFOR-i e vendosi atë kufi të padrejtë. Është koha që ankesat e tyre të dëgjohen seriozisht dhe të merren masa”, shkroi Kurteshi.

Ai këtë ngjarje e krahasoi me situatën në demarkacionin me Malin e Zi dhe me Mitrovicën.

“Pikërisht sot, kur u mbushën katër muaj nga demarkacioni i padrejtë me Malin e Zi, dhe kur po ndërtohet muri që po ndan Mitrovicën.Ku janë qeveritarët e Kosovës kur duhet me i mbrojtë tokat tona dhe kufirin? Ia kanë rritë rrogat vetes, po merren me tendera, po lëshojnë pe në negociata me Serbinë, por kur vjen puna për ta ndihmuar popullin dhe për ta mbrojtur atdheun, qeveritarët fshihen dhe nuk guxojnë as të flasin”, shtoi ai.

Ai tha se “nëse vazhdojnë kështu, duke e falë territorin e Kosovës në Rugovë, në veri, e tash edhe në lindje, në Karaqevë, vërtet do të na detyrojnë të bashkohemi me popullin në demonstrata”