Ambasadorja Çitaku në iftarin e shtruar nga Donald Trump

Ambasadorja e Kosovës në ShBA, Vlora Çitaku ka qenë në mesin e të ftuarve në darkën e Iftarit të shtruar nga Presidenti Donald Trump në Shtëpinë e Bardhë.

“Pata nderin dhe kënaqësinë e veçantë që në darkën e iftarit të shtruar në Shtëpinë e Bardhë të isha e ulur përkrah Presidentit të Shteteve të Bashkuara të Amerikës, Z. Donald J. Trump”, ka shkruar Çitaku.

“Presidentit Trump i tregova se në shtetin tonë sekular, ka një kulturë tolerance dhe harmoni ndërmjet religjioneve. Poashtu, e njoftova në detaje mbi sfidat me të cilat ballafaqohemi aktualisht në Kosovë dhe biseduam mbi domosdoshmërinë e përfshirjes së drejtpërdrejtë të SHBA-ve në proceset e rëndësishme nëpër të cilat po kalon shteti ynë i ri”, ka shkruar ambasadorja Çitaku.

Tutje Çitaku ka shkruar se në darkë ishin të pranishëm zyrtarë të lartë të administratës Amerikane, Zv Presidenti Pence, Sekretari i Mbrojtjes Shanahan, Sekretari i Thesarit Mnuchin, Ambasadorë, etj.

VIDEO kliko në LINK

 

14 Maj 2019 - 07:45

Naim Krasniqi 14/05/2019 - 07:45
NDËRVEPRIMI0
Prishtina Insight
NA NDIQNI

Send this to a friend