Philip Kosnett, i nominuar për Ambasador të Amerikës në Kosovë. Foto: Facebook

Ambasadori amerikan kundër emërimit të Sylejman Selimit këshilltar i kryeministrit

Ambasadori i Shteteve të Bashkuara në Kosovë, Philip Kosnett, ka kritikuar vendimin e kryeministrit Ramush Haradinaj për emërimin e Sylejman Selimit për këshilltar të tij.

Kosnett përmes një publikimi në Twitter ka thënë se kriminelët e luftës nuk kanë vend në Qeverinë e Kosovës.

Po ashtu, Kosnett ka thënë se emërime të tilla vënë në dyshim sundimin e ligjit në Kosovë.

“Kriminelët e dënuar të luftës nuk kanë vend në  Qeverinë e Kosovës. Udhëheqësit e të gjitha partive duhet të ndalojnë mbështetjen e individëve të tillë. Një mbështetje e tillë e vë në dyshim angazhimin e Kosovës në sundimin e ligjit. Jam i kënaqur të shohë grupe nga komunitete të ndryshme duke folur në një zë të përbashkët”, ka shkruar Kosnett.

Emërimi i Sylejman Selimit për këshilltar nga kryeministri Haradinaj ka ngjallur reagime në Kosovë dhe jashtë saj.

https://kallxo.com/kryeministri-haradinaj-kritikohet-per-emerimin-sylejman-selimit-si-keshilltarin-e-tij/

Ndryshe, ish- komandanti i shtabit të përgjithshëm të UÇK-së, Sylejman Selimi, sot ka dhënë deklaratën e tij në Prishtinë, në cilësinë e të dyshuarit nga Gjykata Speciale.

https://kallxo.com/sylejman-selimi-intervistohet-nga-gjykata-speciale-si-i-dyshuar/

www.kallxo.com