Ambasadori Amerikan e quan ofendim për qytetarët emërimin e të dënuarit për korrupsion në ministri
Ambasadori i SHBA-së në Prishtinë, Philip Kosnett ka reaguar ndaj emërimit të Lulzim Kadriu, në pozitën e drejtorit të Departamentit Ligjor në Ministrinë e Inovacionit dhe Ndërmarrësisë.
Kjo pasi që, Lulzim Kadriu ishte dënuar për korrupsion nga Gjykata Themelore e Mitrovicës, në kohën sa ka qenë drejtor në Komunën e Skenderajt, dënim i cili i ishte vërtetuar edhe nga ana e Gjykatës së Apelit.
Ambasadori Kosnett përmes një publikimi në Twitter e ka quajtur ofendim për qytetarët e Kosovës, emërimin e Lulzim Kadriut në Ministrinë e Inovacionit dhe Ndërmarrësisë.
“Në kategorinë e ‘emërimeve tjera të pakualifikuara”, Ministria e Inovacionit kohë më parë e emëroi si drejtor ligjor një person të dënuar nën akuzën për korrupsion, dënim i cili i ishte vërtetuar në Apel. Ofendim për qytetarët e Kosovës”, ka shkruar ambasadori amerikan Kosnett.
Sipas Ambasadorit, Kosova ka sukses kur respektohet sundimi i ligjit.
In the category of “more unqualified appointments,” the Ministry of Innovation recently appointed as legal director an individual convicted of corruption charges that were upheld on appeal. An insult to the citizens of Kosovo. #RoLinKosovo pic.twitter.com/4meshDEssg
— Ambassador Philip S. Kosnett (@USAmbKosovo) June 14, 2019
Ministria e Inovacionit dhe Ndërmarrësisë, me 30 prill 2019 kishte lëshuar njoftimin për kandidatin e suksesshëm për pozitën Drejtor i Departamentit Ligjor.
Sipas njoftimit, kandidati i suksesshëm ishte Lulzim Kadriu me 88.3 pikë totale të fituara.