Gjykata Themelore në Gjilan - Foto: Gjykata Themelore e Gjilanit

Aktakuzë për gjilanasin që shiti veturën e marrë me qira

F.H nga Gjilani po akuzohet për mashtrim pasi sipas prokurorisë e shiti një veturë që e ka marrë me qira.

Sipas aktakuzës, i pandehuri F.H., më 12 dhjetor 2018, në Gjilan, me qëllim të përfitimit të kundërligjshëm pasuror për vete, ka mashtruar të dëmtuarin E.H., në atë mënyrë që nga ai, në periudhën kohore prej datës 02 nëntor – 12 dhjetor 2018, ka marrë me qira veturën e markës Golf 6, ku pas skadimit të kontratës, nuk e ka kthyer fare veturën, por të njëjtën ia ka shitur të dëmtuarit B.S.në Ferizaj, në shumë prej 7,400 euro, duke i premtuar që pas dy jave do t’ia bënte transferin e dokumenteve të veturës dhe pasi ka pranuar paratë, më nuk iu është lajmëruar asnjëherë.

Me këto veprime, ekziston dyshimi i bazuar mirë se i pandehuri ka kryer veprën penale të sipërshënuar.

Prokurori i shtetit, me rastin e ngritjes së aktakuzës i ka propozuar Gjykatës kompetente në Gjilan, që të pandehurin ta shpallë fajtor për veprën penale e cila i vihet në barrë.

 

 

ETIKETA

11 Janar 2019 - 13:24

Doruntina Baliu 11/01/2019 - 13:24
NDËRVEPRIMI0
Prishtina Insight
NA NDIQNI

Send this to a friend