Ilustrim
Aksion i Policisë në Mitrovicë, një i arrestuar për drogë
21.5.2019 - 23:48
Policia e Anti-Drogës nga regjioni i Mitrovicës së Veriut ka zhvilluar një operacion në fshatin Zhabar të Mitrovicës.
Sipas burimeve të KALLXO.com, me këtë rast gjatë kontrollit është gjetur dhe konfiskuar një sasi e marihuanës në peshë rreth 30 gramë.
Personi i dyshuar është arrestuar dhe me vendim të prokurorit është dërguar në mbajtje.
Sasia e marihuanës është gjetur në një kavanoz të qelqit në dhomën e fjetjes së të dyshuarit.
Kallxo.com merr vesh se personi i arrestuar është i njohur për Policinë për vepra të ngjashme dhe ka qenë i dënuar.